2019 Ch'ukuta Fest ukax uka jurpürux qalltani

Imagen

Chukuta Fest ukax akhamïriwa (Jamuqa: Jaqi wayuri apnaqirinakan uñt'ayata)

Aka marampix pusi maraw Ch’ukuta Fest ukax luratäxani, janiw Chukiyawunak ukx suyapkiti jan ukax taqi Bolivia markanw suyapxaraki. Walja jaylliriw utjani, kunayman samin qhana taypinw jayllintapxani, uka jurpüruw qalltani.

Kimsa uruw k’uchirt’añax utjani. 250 jaylliriw jawillt’ata, yaqhipax yamas anqa markanakatw purinipxani. Jaqi wayuri apnaqirinakax suxta chiqw Taypi Utan jayllirinakan jayllintapxañapatak wakt’ayasipki, uka chiqarux Sirira Jaqi Wayurit sarnaqirinakamp Wila Jaqi Wayurit sarnaqirinakampiw puripxaraki.

“Ch’ukuta Fest utt’ayañatakiw amuyt’apxtha, anqa markanakan uñt’atäñapataki. Marka irpirinakax Bolivia markan phunchhäwipäspa ukham munaptha, ukhamarakiw anqa markanakatpach yäqat phunchhäwïspa uk munaptha” sasaw tata César Dockweilerax arsuwiyi, jupaw jaqi wayurinak apnaqirirakixa.

Rombay, Alkilados, Auténticos Decadentes ukanakaw anqa markanakat purinipxani, jupanakamp chikax Wara, Kjarkas, Kalamarka, PK2, Gran Matador, Veneno, Quirquiña, Matamba ukankirinakaw jikxatasipxarakini.

Televisa ukankirinakaw yatiyañatak purinipxani, Televisankirinakaw Awiya Yalanx jayllïwitx juk’amp yatiyi sasaw tata Dockweilerax yatiyawiyi. Ukhamïpanx Bolivia jayllirinakax anqa markanakan uñt’ayasipxaspawa./RAR


Warning: mysql_num_rows() expects parameter 1 to be resource, boolean given in /var/www/html/aymara/otro.php on line 156