Chukiyawunx pininur p'amp'achasaw anatx tukuyawiyapxi

Imagen

Jamuqa: El Deber

Thuqht’asisa, anatt’asisaw thuqhurinakax Chukiyawunx 2019 anatx tukuyawiyapxi. Jupanakax pipinuruw yatitäk ukham p’amp’achawiyapxi, ijma warminakaw juparux jikisiñkam sasin sawiyapxi, jutir maraw jupampix mayamp jikisipxani.

Ch’utamp pipinump tawaqunakampiw Garita de Lima ukanx thuqhurawiyapxi. Jupanakax Jach’a Pantiyunkamaw makatawiyapxi. Ukatxcpipinuruw p’ampachawiyapxaraki. Ukatatx Topater chakakamaw thuqht’asis sarawiyapxi, ukanw thuqhuñax tukuyawiyi.

Chukiyawunx pipinunakax thuqhurinak taypin utjakipiniwa. Kunayman samin pipinuw utji, chhullu chhullunakamp k’achacht’ataw sarnaqañ yati. Ajanupax imantatawa, anatxayañatakiw ukham imantasi. Mistur apt’ata, chhuru chhurunak phust’asisa, jak’ump umampiw sarnaqañ yati, ukampiw uñch’ukirinakar willjañ ch’aranjañ yati./RAR


Warning: mysql_num_rows() expects parameter 1 to be resource, boolean given in /var/www/html/aymara/otro.php on line 156