Bolivian ayllun jakasipki jupanakan sarnaqäw amtañ urunakapa

Imagen

Tata Roberto Santos Escóbaran "Fechas Históricas Indígenas" sutin pankaparjamax, 1781 maran achuqa phaxsit 13 urükipanx, Sebastian Segurolan palla pallanakapamp Tupak Katarin jaqipampiw wali ch’amamp arumtuqurux Altu Patan ch’axwthapipxatayna, jalluntaskataynawa. Masinakasax Segurolan palla pallanakapat sipans juk’amp ch’amanïpxataynawa, Chukiyawuruw jalamukuyapxatayna, qhipürux Chukiyaw muyuntañw qalltapxarakitayna.

1921 maran achuqa phaxsit 13 urükipanx, Francisco Wachallan uraqipanw irnaqirinakax sartasipxatayna. Ukham uñjasax Warina corregidorax 8 markachirimp 4 jach’ump chikaw sartasirinakan utanakap uñsur sarapxatayna; ukatatx tata Melchor Apasaruw katuntapxatayna, juparux Warinaruw jiskhxatañatak irpapxatayna, jiskhxatapkipanx walja ayllun jakasirinakaw jak’a qullunakatpach axsart’ayapxatayna./RAR


Warning: mysql_num_rows() expects parameter 1 to be resource, boolean given in /var/www/html/aymara/otro.php on line 156