Bolivian ayllun jakasipki jupanakan sarnaqäw amtañ urunakapa

Imagen

Tata Roberto Santos Escóbaran "Fechas Históricas Indígenas" sutin pankaparjamax, 1781 maran lapaka phaxsit 14 urükipanx, Julian Apasa, Tupak Katari, p’iqichirisarux Qarqa Marka taypinw wali t’aqhisiyas jiwayapxatayna, jupax Sullkäwi ayllunw yuritayna (Jayu Jayuna). Mä uru nayrax Francisco Tadeo Diez de Medina Chilinkir taripiriw jiwayañatakix amtatayna; Tupak Katarirux mutuñ utatw mä qaqilun wich’inkhapar qatatisin apsuña, kunkapatx mä siwinqat lurat wiskhampiw chinuntas palasakam apaña, ukanx pusi qaqilumpiw jupar t’aqanuqaña, sasaw amtatayna; ukatatxa, p’iqipx Chukiyawuruw apaña, khayanx kimsa uruw jaychkatat uskuña, ukatx K’ili K’ili pataruw mutuyat yatipxañapatak apaña, sataynawa. Kupi amparapx, Jach’a K’achiruw apasiñapa, ch’iqa amparxa Sika Sikaru, kupi kayxa Axawiyi markaru, Ch’iqa kayxa Chulumaniru, uka chiqanakanx walja jaqix sarnaqapki uka thakhinakaruw uskuña, sasaw amtatayna. Jaraphimp purakampxa jaychkatatwa qhiparayasiñapa, ukatx phichhantxañarakiwa, sasins sarakitaynawa. Diez de Medinan amtatapxa, jan mayjt’ayasaw phuqhayapxatayna.

1977 maran lapaka phaxsit 14 uru saraqkipanx, Jayu Jayu markan tantachasirinakax janiw palla pallanakamp yapuchirinakamp mä amtar puripkatayna ukx jaysapkataynati ukhamarak janiw Banzer palla pallan chamamp marka apnaqatapar yanapirinakarus iyawsapkarakitaynati./RAR


Warning: mysql_num_rows() expects parameter 1 to be resource, boolean given in /var/www/html/aymara/otro.php on line 156