Qhapaq Ñan ukan sarnaqañatakix pusi yänakaw apasiñapin munasi

Imagen

Qhapaq Ñan ukan sarnaqkasa (Jamuqa: Saräwinak Uñjir Kamanan uñt?ayata)

Saräwinak Uñjir Kamana Utankirinakax Qhapaq Ñan nayra thakhïm sarañatakiw wakicht’ayasisipki. Uñatatt’asirinakan juk’amp sarapxañapatak ukhamarak nayra saräwinakat amtasiñatakiw ukham amtawiyapxi. Pusi kilómetro thakhwa sarapxani, pusi yänakaw sarnaqañatakix apañapin munasi.

Sarnaqañatakjam walïki uka sapatunakaw apaña, qalanakäm laq’äm sarnaqañataki. Ukham sarasax, janiw kay phallarayasiñax utjkaniti. Mä jach’a sombrerox munasirakiwa, ukax lupimp jan nakharayasiñatakiwa. Isix janiw ancha jathïñapäkiti, ukhamarus thayat jark’aqkirïñapawa, jalls jalluntakispawa. Umax utjañaparakiwa, sarnaqkasax umat pharjasiri. Yamakis janiw ancha jathi yänak apañax walïkiti, qariyasiwa.

Mara t’aqa phaxsit 20 uru saraqkipanw uka jach’a thakhïnx sarnaqapxani. Waki markatw k’añaskunakax Azafranalkam sarapxani, uka chiqanx laqtasipxaniwa, ukatw saernaqañ qallantapxani. Titixunimpiruw ukatatx puripxani, qhiparux San Pedroruraki.

“Sarnaqatäkan taqpach uka thakhiw Desaguadero municipion jikxatasi, ayllunakanw katuqapxitani. Sarapkan jupanakax yapuchañ taqananak uñjapxani ukhamarakiw nayra achachila awichanakasan phust’äwinakaps ist’apxani” sasaw mama Wilma Alanocax arsuwiyi, jupax Saräwinak Uñjir Kamanarakiwa.

Evo Morales Ayma Jilïr Irpirix uka thakhinkarakiniwa, jupamp chikax suxta markatw sarnaqirinakax puripxani: Argentina, Bolivia, Chile, Colombia, Ecuador, Perú.

Qhapaq Ñanx “Mayacht’ir Thakhi” sasarakiw uñt’apxi. 2014 maran mara t’aqa phaxsit 21 uru saraqkipanw uka thakhx uraqpachan jakir jaqinakan luratapjam yäqañ amtawiyapxi, Qataranw ukham amtawiyapxi, Doha jach’a markana./RAR


Warning: mysql_num_rows() expects parameter 1 to be resource, boolean given in /var/www/html/aymara/otro.php on line 156