Bolivian ayllun jakasipki jupanakan sarnaqäw amtañ urunakapa

Imagen

Tata Roberto Santos Escóbaran "Fechas Históricas Indígenas" sutin pankaparjamax, 1781 maran anata phaxsit 19 uru saraqkipanx, Damaso Katarix Audiencia de Charcas irpiriruw jan ch’axwañatak maykäna uk amtayatayna, jichhax janiw kuna amtarus purxiristti sasaw satayna, jupax Tomás Katarin jilapänwa. Ukhamax Audiencia de Charcas muyuntañw munapxatayna saraksnawa, awqasirinakapax Punillanw jikxatasipxäna ukata, La Plata markaruw mantaspäna.

1925 maran anata phaxsit 19 urükipanx, Taräqu markankirinakax Benedicto Goytia jach’a uraqin jaqiw palla pallanakamp yanapt’ayasis walja markachirinakan utapar ch’amamp mantawiyi, Ildefonso Tarki, Mateo Tarki, Juan Mamani, Miguel Espejo jupanakaruw usuchjawiyapxi, sasaw yatiyapxatayna; Taraqux Inkäwi suyunw jikxatasiraki; Pedro Aruwiri, Eduardo Leonardo Nina Qhispi, Isidoro Cortés, Eusebio Churata, Gregorio Tikuna ukhamarak Pedro Flores jupanakaw uka yatiyirinak taypinx jikxatasipxarakitayna./RAR


Warning: mysql_num_rows() expects parameter 1 to be resource, boolean given in /var/www/html/aymara/otro.php on line 156