Bolivian ayllun jakasipki jupanakan sarnaqäw amtañ urunakapa

Imagen

Tata Roberto Santos Escóbaran "Fechas Históricas Indígenas" sutin pankaparjamax, 1542 maran achuqa phaxsit 19 uru saraqkipanx, Ispañ jaqinakax sumw Sayri Tupak inkar uñjañ qalltapxatayna, irpirinakapaw ukham lurapxañapatak amtapxatayna. Willka Pampat inkanak mistupxañapatakiw ukham lurañ amtapxatayna.

1738 maran achuqa phaxsit 19 uru saraqkipanx, tata José Gabriel Kunturkanki Noguera Tupak Amaruw Surimanan yuritayna, Tinta suyuna, Qanchi K’ana suyuna, tata Miguel Kunturkankimp mama Rosa Noguera Valenzuelampiw awki taykapäna.

1781 maran achuqa phaxsit 19 uru saraqkipanx, Pariankir Paka Jaqinkir Karankankir masinakasaw Uru Uru jach’a markar ch’amamp mantapxatayna, akampix kimsa kutiw ukham lurxapxäna, uka jach’a markx Ispañ jaqinakaw arxatasipkäna, wawanakapax arxatasipkarakïnwa. 35 masisaruw jiwayapxatayna.

1919 maran achuqa phaxsit 19 uru saraqkipanx, Faustino Llanki p’iqichirix República laphinak apnaqiriruw Ispañ jaqinakan jaytat titulunak uñjañ mayïna, juk’ampis 1571, 1567, 1646, 1718 maranak uraq uñjatanaka, jupax Tawaqlayu Mamaniri ayllunkirïnwa, Jesús de Machaqa markata./RAR


Warning: mysql_num_rows() expects parameter 1 to be resource, boolean given in /var/www/html/aymara/otro.php on line 156