Bolivian ayllun jakasipki jupanakan sarnaqäw amtañ urunakapa

Imagen

Tata Roberto Santos Escóbaran "Fechas Históricas Indígenas" sutin pankaparjamax, 1600 maran achuqa phaxsit 21 uru saraqkipanx, mama Beatriz Clara Quyaw Lima jach’a markan jiwatayna, jupax chhaqhtat inqanak taypinx wali qamirïtaynawa, tata Sayri Tupakampin  mama Quya Kusi Warkayampin phuchhapataynawa, Martín García de Loyola palla pallampiw jaqichasitayna.

1781 maran achuqa phaxsit 21 uru saraqkipanx, Chukiyawurux ayllun jakasirinakax juk’amp ch’amampiw muyuntapxatayna, Sikasika, Chulumani suyunakatw ch’axwirinakax purinipxatayna ukata.

1807 maran achuqa phaxsit 21 urükipanx, Diego Fernández Warachiruw Jesús de Machaqan p’iqichiripjam utt’ayapxatayna, Real Audiencia de Charcas uksankirinakast juparux awki-taykaparjam yäqas uñjañ amtapxatayna.

1899 maran achuqa phaxsit 21 urükipanx, 5.000 ayllun jakasirinakaw illapt’asiñ yänakamp, phallirinakamp, lawanakamp Qullqi Chaka markankirinakar ch’amamp markar mantañ munas jasq’arayapxatayna, Chayantan tayka markaparu./RAR


Warning: mysql_num_rows() expects parameter 1 to be resource, boolean given in /var/www/html/aymara/otro.php on line 156