Bolivian ayllun jakasipki jupanakan sarnaqäw amtañ urunakapa

Imagen

Tata Roberto Santos Escóbaran "Fechas Históricas Indígenas" sutin pankaparjamax, 1956 maran taypi sata phaxsit 21 urükipanx, tata Laureano Machaqax Esquma markwa ch’amamp  katuntir sarañ amtatayna, jupax kimsa phaxsi nayrax Tawantinsuyu sutini república ukwa Waychu markan utt’ayatayna, uka marka jak’ankir markanakar mayachthapiñatakiw ukham lurañx amtarakitayna. Machaqan juk’a jaqipamp walja ch’axwañ yänakan markachirinakampix niya kimsa pachaw nuwt’asipxatayna, ayllun jakasir masinakasarux atipjapxataynawa; uka pachparakiw, irpirisarux wal usuchjapxatayna, uka markanx jach’unakan jist’antañ utaparuw juparux jist’antapxatayna. Chika arumax, ayllun jakasir jaqinakaw tata Machaqarux wali usuchjat apsupxatayna, ukatatx uka jak’ankir aylluruw apapxatayna, khayankxasax Wiraxucha apur yäqañatakiw aymar saräwirjam jiwayapxarakitayna. Yaqhanakast, tata Laureanorux Esquma markachirinakaw jiwayawiyapxi sapxarakiwa./RAR


Warning: mysql_num_rows() expects parameter 1 to be resource, boolean given in /var/www/html/aymara/otro.php on line 156