Ayllunakar Uñatatt'asirinak Irpañ Nayrïr Qhathux mara t'aqa phaxsit 29 uru saraqkipanw Chukiyawun utjani

Imagen

Sawurinaka (Jamuqa: Llikat apsuta)

Ayllunakar Uñatatt’asirinak Irpañ Nayrïr Qhathux mara t’aqa phaxsit 29 uru saraqkipanw San Francisco palasan lutaräni, Chukiyawu jach’a markana, khithinakati ayllunakar irpañ yatipki jupanakan irnaqäwip ch’amachatakiw ukham luratäni, kunayman chiqar sarañatakiw yatiyatäni sasaw tata Marcel Arcex arsuwiyi, jupax Uñatatt’asiñ Uñjir Sullka Kamanarakiwa.

“Kuna nayra yatiñanakas utji uk uñt’añatakiwa. 60 uñatatayirit jilaw Chukiyawur puripxani. Chacompit El Palmarampit Chuqi Chakat puripxani, Tiqi Qaqampit Madidimpit kuna. Markachirinakarux uka chiqanakar sarapxañapatak yatiyapxani” sasaw Arriba Bolivia wakichäwinx arsuwiyi.

10:00 arumirjäkipanw qhathux qalltani, 14:00 jayp’ükipanw tukuyarakini. Manq’a, thuqhunaka, jayllinaka ukhamaw utjani./RAR


Warning: mysql_num_rows() expects parameter 1 to be resource, boolean given in /var/www/html/aymara/otro.php on line 156