Bolivian ayllun jakasipki jupanakan sarnaqäw amtañ urunakapa

Imagen

Tata Roberto Santos Escobaran “Fechas Históricas Indígenas” sutin pankaparjamax, 1781 maran llamayu phaxsit 28 uru saraqkipanx, mama Bartolina Sisaw jaqipamp chik ch’amamp Chukiyawur mantañ munatayna; Tupak Katariw jan akankkataynati, Sika Sikan Ispaña jaqinakar kutjayaskatayna, ukat ukham lurarakitayna. Ukurüx aka jach’a marka thiyan jikxataskän uka utanak allthapipxatayna ukhamarak phichkatapxatayna.

1987 maran llamayu phaxsit 28 urükipanx, Parutanin jaq jiwarayapxatayna. Chaparen jakasirinakamp Qucha Pampa qhirwa uraqin jakasirinakampix manq’at mutupxä, jach’a markanakan kayuk sartasipxä, Uru Urut Qucha Pampar sarki uka thakh jark’antapxä sasaw sapxatayna, ukatw jupanakarux jach’unakamp yatxatat jach’unakampix ch’amamp tutukjayawiyapxatayna, UMOPAR, Leopardos sutininaka.

1781 maran llamayu phaxsit 27 uru saraqkipanx, Andrés Tupak Amarun jaqinakapamp Antonio Molina q’aran jaqinakapampix Tuyli sutini jan ukax Alto de Pukara sutini qullunw ch’axwthaptapxatayna, ukanx 150 Ispañankirinakamp 700 ukjat jila ayllun jakasirinakampiw jiwapxatayna./RAR


Warning: mysql_num_rows() expects parameter 1 to be resource, boolean given in /var/www/html/aymara/otro.php on line 156