Bolivian ayllun jakasipki jupanakan sarnaqäw amtañ urunakapa

Imagen

Tata Roberto Santos Escóbaran "Fechas Históricas Indígenas" sutin pankaparjamax, 1781 maran mara t’aqa phaxsit 28 uru saraqkipanx, Andrés Tupak Amarump Tuili marka muyuntapkäna uka p’iqichirinakampix Ispañankir jaqinakaruw atipjapxatayna, uka Ispañankir jaqinakarux Antonio Molinaw p’iqicht’askäna. Ukham atipjañatakix, janiw manq’añamp umamp Ispañankirinakatak mantayapkataynati, ukatw Antonio Molinax jupanakar atipjapxistawa sasin satayna. Ukham uñjasax walja Ispaña jaqinakan wawanakapaw masinakasan sartasitap ch’amacht’añ qalltapxatayna.

1869 maran mara t’aqa phaxsit 28 urükipanx, 5.000 San Pedro de Tikinankir masinakasaw Mariano Melgarejo Jilïr Irpirir kutkatañatak sartasipxatayna, uka markax Umasuyunw jikxatasirakïna. Ukampirus, palla pallanakamp uka jak’ankir jach’a uraqininakampiw jupanakar atipjapxatayna, 600 masinakaruw jiwayapxatayna.

1922 maran mara t’aqa phaxsit 28 urükipanx, Llanguasamp Margarita Llanosampiw ñanqhachapxitu, Pascual Kunturimpin Andrés Qhispimpin nayra titulunakapw aparapxitu, sasaw tata Feliciano Kunturimp tata Esteban Qhispimpix  diputadonakar yatiyapxatayna, jupanakax Jayu Jayu p’iqichirïpxänwa./RAR


Warning: mysql_num_rows() expects parameter 1 to be resource, boolean given in /var/www/html/aymara/otro.php on line 156