Mama Inés Quispew The Strongestan machaq irpiripaxa

Imagen

Inés Quispe, The Strongest machaq irpiri (Jamuqa: BTV)

Wasärmax mama Inés Qhisperuw The Strongest machaq irpirjam ajllt’awiyapxi, jupax tata César Salinasan warmiparakiwa, Bolivia piqut anatayirinakan p’iqichiripan warmipa.

“Ajllt’apxatamat jallallt’apxsma, jan sapak irnaqayapxistat sasakiw mayipxirisma, anatirinakasan mayninakar atipapxañapaw amtasaxa” sasaw mama Quispex utt’ayawiyapki ukatatx arst’awiyi.

Nänakan kamachijanx “jan amtatax utjki ukjax amuyt’asaw amtatäspa” sasaw sixa sasinw tata Federico Villegasax arsuwiyi, jupax The Strongestan kamachinak uñakipas irnaqaraki.

Nänakax mä irpirw the Strongestan p’iqicht’añapatak munapxtha, anatirinak achikañapa, anatirinakampir irnaqirinakampiruw payllañapa, ukaw jank’ak luraña sasaw tata Villegasax arsuwiyi.

Nayax warmjamax irptarakiristwa, wali suma kankañampiw akham ajllt’apxatapx katuqt’araktha, yaqha warminakax ukham Bolivia anatirinakar irptapxarakispa ukax walïspawa sasaw mama Quispex arsuwiyi.

Sergio Asbún, The Strongest nayra irpiriw mama Quispen irptañapx mayiwiyi. Mama Quispew qhipa urunakax qullqi apnaqañx askicht’awiyatayna, walürux Harold Reynampir Saúl Torresampiruw puriyatayna, ukatw juparux irptañapatak ajllt’awiyapxaraki. Tata Ronald Crespomp mama Verónica Palenquempex ukham ajllisiñapx iyaw sawiyapxarakiwa, jupanakax The Strongestan qullqi churirïpxarakiwa./RAR


Warning: mysql_num_rows() expects parameter 1 to be resource, boolean given in /var/www/html/aymara/otro.php on line 156