"Evo Morales Ayma K'añaskump Atipt'asiñatakix" 100 waranq waranq dólar irpirinakax churapxani

Imagen

Evo Morales Jilïr Irpirimp tata Tito Montañomp tata Juan Ramón Quintanampix FEBAD irpirinakampiw tantachasiwiyapxi (Jamuqa: UCP)

Bolivia irpirinakax 100 waranq waranq dólar “Evo Morales Ayma K’añaskump Atipt’asiñatakix” churapxani, jutir phaxsiw ukham atipt’asiñax utjani sasaw tata Orlando Careagax arsuwiyi, jupax Bolivian k’añaskump atipt’ayirinakan (FEBAD) irpiriparakiwa.

“Jichhürux Evo Morales Ayma K’añaskump Atipt’asiñaw utjani, ukw yatiyañ muntha. Jilïr Irpirix qullqix ukatak churatäniw sasaw yatiyawiyitu” sasaw tata Careagax Marka Jach’a Utan tantachasitatx arsuwiyi.

150.000 yamakis sapa yant’asir qutur churañ munatäski, jutir phaxsix kimsa yant’asir qutuw utjani, ukampirus atipt’asiñ urunakax jichhaw wakt’ayatäski sasaw qhanancht’awiyi.

2.300 km ukjwa jalapxani, Quchapampampir Sucrempir Vallegrandempir Camirimpir Tarijampir P’utuxsimpir Uru Urumpir Chukiyawumpiruw puritäni, yaqha chiqanakarus ukhamaraki sasaw FEBAD ukankirinakax sawiyapxi.

“Jilïr Irpirix ukham yant’asiñanakx walpin ch’amachi. Yamakis akham mä jach’a atipt’äwi utjañapx jupaw amtawiyi. Jichhax phuqhaskiwa. Akham yant’äwinak ch’amachir Jilïr Irpirisax utji ukatw kusisit jikxatastha” sasaw FEBAD irpirix arsuwiyi./RAR


Warning: mysql_num_rows() expects parameter 1 to be resource, boolean given in /var/www/html/aymara/otro.php on line 156