Jilïr Irpirix Ecuadoran yaqha Awiya Yala anatirinakamp yant'asinipkan uka ajedrez anatirinakasaruw ch'amacht'awiyi

Imagen

Evo Morales Jilïr Irpirix ajedrez anatirinakampiw Chukiyawun tantachasiwiyi (Jamuqa: UCP)

Evo Morales Jilïr Irpirix Marka Jach’a Utanw ajedrez atipirinakasamp jichhürux tantachasiwiyi, jupanakax Ecuador markaruw Awiya Yala Ajedrez Anatäwir sarapxani, Guayaquil jach’a markanw aka phaxsit 20 urut 27 urukam yant’asipxani.

Matías Barjamp Jhoselyn Iquisempiw sarapxani, jupanakaw markasanx taqinir atipt’awiyapxi, jichhax yaqha markankirinakaruw atipañ yant’apxani. Matías Barjax 11 maraniwa, Santa Cruzankiriwa, Minero municipiota. Jhoselyn Iquisex Trinidad jach’a markatawa, Benita.

Anatirinakasax ukham Jilïr Irpirir uñjasax juk’amp ch’amacht’asipxi sasaw tata Alan Bordax arsuwiyi, jupax Bolivia Ajedrez Anatayirinakan (FBA) irpiriparakiwa.

“Evo Morales Jilïr Irpirix ch’amacht’apxit ukatw wali kusisit jikxatasipxtha. Aka atipt’irinakax uka Awiya Yala anatäwin atipasaw Boliviatak silt’unak apaniñ munapxi” sasaw tata Bordax sawiyi.

Marka irpirinakax lata jamach’it sarapxañapatakiw qullq churapxani ukhamarakiw qillqantayasipxañapatakis Ecuadoran k’añaskunakat sarnaqapxañapatakis anatañ isinakatakisa, Intervenciones Urbanas wakichäwimpiw Marka Jiltayañ Amta Wakt’ayir Kamanax yanapt’arakini./RAR


Warning: mysql_num_rows() expects parameter 1 to be resource, boolean given in /var/www/html/aymara/otro.php on line 156