Hugo Dellienax Santiago Challenger anatäw atipt'awiyi, Boliviax khust'at tenis anatirjamaw uraqpachan uñt'ayasi

Imagen

Bolivia anatirix Taywan anatiriruw Coloso de Vitácora sutin chiqan atipjawiyi / Jamuqa: Tenis al Máximo

Hugo Dellien, Bolivia tenis anatirix Santiagon Challenger anatäw atipt’awiyi, juparux “El Tigre” ñanqha sutimpiw uñt’apxi. Wu Tung-lin, Taywan anatiriruw jupax 5-7, 7(7)-6(1), 6-1 ukham patak pä tunka phisqhan k’atan anatt’as atipt’awiyi.

Tata Dellienax Boliviaruw wali sum uñt’ayawiyi. Jupax atipayasiskänwa, ukhamarus jan kunakiw maynirux qhipar atipjawiyi. Dallien anatirix Benitawa, jichha kutimpix pusi kutiw jupax uka anatäwx atipt’awayxaraki, Sarasota ukhamarak Savannah anatäwinak jupax atipawayxarakiwa, Estados Unidon uka anatäwinakax utjawiyi, mara t’aqa phaxsinx Vicenza anatäw Italian atipawiyaraki.

Janir anatkasax tata Dellienax 87 chiqanw ATP sutinak taypin jikxatasïna, jichhax atipt’atatx juk’amp patankaspawa. Jichhüruw taqit suma anatirinakan sutinakapx mayamp uñt’ayapxani./RAR


Warning: mysql_num_rows() expects parameter 1 to be resource, boolean given in /var/www/html/aymara/otro.php on line 156