Boliviamp Brasilampix kawkïr anatirinakampis katjasipxani ukax yatisxiwa

Imagen

Awiya Yala Anatäwix jichhüruw qalltani, Bolivia anatañ yatichirimp Brasil anatañ yatichirimpix kawkïr tunka mayan anatiris anatir mantapxan ukx amtxapxiwa. 8:30 arumäkipanw (Bolivia pacha) Morumbí anatañ chiqan anatañ qalltapxani, Sao Paulo jach’a markana.

1-4-5-1 ukhamaw anatirinakasax siqintasipxani. Carlos Lampew piqut amparamp jark’antani. Diego Bejarano, Adrián Jusino, Luis Haquin, Marvin Bejarano jupanakarakiw kutjayapxani.

Chika pampanx, phisqha anatiriw utjani: Alejandro Chumacero, Leonel Justiniano, Fernando Saucedo, Roberto Fernández, Leonardo Vaca jupanaka. Marcelo Martins jupakiw nayran anatt’arakini.

Brasilan Tite sutin anatañ yatichiripax 1-4-3-3 ukhamw anatirinakx siqintani. Alisson Becker (amparamp jark’antiri), Dani Alves, Anderson Silva, Marcos Aoás, Filipe Luís (kutjayirinaka), Thiago Neves, Carlos Casemiro, Philippe Coutinho (chika pampankirinaka), Richarlison de Andrade, Roberto Firmino, Fernando Luiz Rosa (nayrankirinaka) jupanakaw anatir mantapxani.

Brasilan anataskan taqi uka anatt’äwinakw Bolivia TV ukanx taqi markachirinakar uñt’ayatäni./RAR


Warning: mysql_num_rows() expects parameter 1 to be resource, boolean given in /var/www/html/aymara/otro.php on line 156