Lampemp Chumacerompirux Japónamp Corea del Suramp anatañatakiw mayamp jawst'apxi

Imagen

Aka pä anatirix wali khust'at anatirinakjam uñt'atäpxiwa

Tata Eduardo Villegasax Carlos Emilio Lampempir Alejandro Chumacerompiruw Corea del Suramp Japonamp anatañatak jawst’i, jupanakax San Joséampin Pueblampin anatapxi. Walja anatäwinakanw jupanakarux jan uñjañäxänti.

Boliviax Ulsan jach’a markanw Japónamp anatani, aka phaxsit 22 uru saraqkipana. Corea del Surampix 26 urükipanw anatarakini, Kobe jach’a markana. Mara t’aqa phaxsinw Bolivia anatir tamax yaqha markankirinakamp Brasilan atipt’asiñ qalltani, ukatw ukham wakicht’asiskaraki.

“Ch’amacht’asipxtwa. Coreamp Japónamp uraqpach anatäwin anatapki ukx uñjapxtwa. Wali khust’at anatawiyapxi, ukaw ch’amachapxitu. Aka uraqpach anatäwinkir anatirinakarux janiw axsarapktti jan ukax ch’amachasipxtwa. Jupanakjam anatañ munapxtha, atipt’añ yant’apxäxa. Jichhax anatirinakan yatiqapxañap munapktha ukatakiw ch’amachatäni” sasaw tata Villegasax yatiyirinakamp aruskipkasax arst’awiyi.

23 anatiriruw jawst’awiyapxi. Luis Haquin (Puebla, México), José Vargas (Blooming), Gilbert Álvarez (Wilstermann), Henry Vaca (The Strongest), Rodrigo Ramallo (San José) uka wali uñt’at anatirinakarus jawst’awiyapxarakiwa, jupanakarux jichhapiniw tata Villegasax jawst’i./RAR


Warning: mysql_num_rows() expects parameter 1 to be resource, boolean given in /var/www/html/aymara/otro.php on line 156