Guery Vargas, Bolivia anatäw taripiriw VAR ukx Chilemp Japónamp anatapkan ukanx apnaqani

Imagen

Guery Vargas, anatäw taripiri (Jamuqa: Anatäw Uñjir Kamanan uñt'ayata)

Tata Guery Vargas Carreñox Chilemp Japónamp anatapkan ukanw jichha arumax VAR ukx apnaqani, jupax Uru Urun yuritarakiwa, Chilemp Japónampix 2019 Awiya Yala Anatäwinw katjasipxani. José Antelomp Edwar Saavedramp chikaw apnaqani, ukhamw CONMEBOL ukankirinakax amtawiyapxi.

Tata Vargasax pä kutiw akampix Awiya Yala anatäwin taripxi, 2016 maranx Estados Unidonw anatayawiyaraki. VAR ukx Ecuadoramp Haitímp anatawiyapki ukanrak apnaqawiyaraki, ukanx Ecuadoraw Haitírux 4-0 atipt’awiyi.

20 maranit sullka uraqpach anatarirnakax Polonian anatawiyapki ukatw tata Vargasax puriski, ukanx VAR ukw apnaqawiyarakiki. Tata Guery Vargasax suxta kutiw anatäw qalltkipanx VAR ukx apnaqawiyatayna, maywa anatäw tukuykipanx apnaqawiyarakitayna. Chilemp Japónampix 7:00 arumäkipanw anatañ qalltapxani, “C” taman atipt’añatakiw katjasipxani./RAR


Warning: mysql_num_rows() expects parameter 1 to be resource, boolean given in /var/www/html/aymara/otro.php on line 156