FIFAnkirinakax 2023 maranx warminakan uraqpach anatäwipaw Boliviankaspawa sasin arsuwiyapki ukatw tata Moralesax k'uchisiwiyi

Imagen

2023 maranx Bolivianw warminakan uraqpach anatäwipax utjaspa / Jamuqa: Screenshot FIFA

2023 maranx, warminakan uraqpach anatäwipax Boliviankaspawa sasaw uraqpachan piqut anatayirinakax sawiyapxi (FIFA), ukatw Evo Morales Jilïr Irpirix kusisit jikxatasi.

“@fifacom ukankirinakaruw jallallt’apxtha, 2023 maran warminakan uraqpach anatäwipaw akankaspa sasin sapki ukata. Ch’ama ch’amaw (yaqha markanakamp) atipt’asiñäni, ukhamarus mayacht’asisax ukx anatirinakasar ch’amachañatak lursnawa” sasaw Twitteranx Jilïr Irpirix arsuwiyi.

Wasürux FIFAnkirinakax 2023 maranx kawkïr markanakans anatayatäspa uka sutinakw uñt’ayawiyapxi, Boliviax uka sutinak taypinw uñsti.

Colombia, Brasil, Argentina, Australia, Corea del Sur, Corea del Norte, Japón, Nueva Zelanda, Sudáfrica uka markanakaw jiwasjam anatayañ munapxaraki.

Nayraqatx kawkïr markans anatayatäni uk amtañatakiw FIFAnkirinakax tantachasipxani. Ukxarux ajllt’at sutw uñt’ayxapxani. Ukhamaw lurañ amtata.

1991 maranw uraqpach warminakatakix nayraqat FIFAnkirinakax anatayawiyapxi. Estados Unidonkirinakaw uka anatäwx atipt’awiyapxi./RAR


Warning: mysql_num_rows() expects parameter 1 to be resource, boolean given in /var/www/html/aymara/otro.php on line 156