Marka irpirinakax kunjams Yatiqirinakan Anatäwipax markasan sarantayata ukw Uruguayan yatiyasipki

Imagen

"Evo Jilïr Irpiri" Yatiqirinakan Anatäwipanx kunayman yatiqañ utankirinakaw yant'asipxi, sapa maraw anatapxi, Bolivianx taqit jach'a anatäwiwa / Jamuqa: Yatichañ Kamanan uñt'ayata

Roberto Aguilar, Yatichañ Kamanamp, Tito Montaño, Anatäwinak Uñjir Kamanampix kunjams “Evo Jilïr Irpiri” Yatiqirinakan Anatäwipax sarantayasiwiyi ukw yaqha markankirinakar yatiyawiyapxi. Awiya Yalan anatäw irpirinakan (CID) 25ïr tantachäwipanw ukhamx markasxat yatiyawiyapxi .

“Anatäwix kunjamas yatichkasax apnaqata” ukxatw uka tantachäwinx aruskipasipki. Kunayman markankiriw kuns anatäwtuqunx lurasipki ukx yaqha markankirinakar yatiyasipki. Tantachäwinx kunjams irpirinakax anatäw ch’amachañatak amtasipki ukw uñt’ayasipki.

Kuna luräwinaks anatäw ch’amachañatakix irpirinakax sartayasipki ukaw yatiyatäski. Markasanx Yatiqirinakan Anatäwipanx wawanakaw jupanakpur yant’asipxi, wayna tawaqunakamp usurmuktatanakampix uka pachparaki. Kunayman chiqankiriw atipt’añatak anatt’apxi./RAR


Warning: mysql_num_rows() expects parameter 1 to be resource, boolean given in /var/www/html/aymara/otro.php on line 156