Jilïr Irpirix usurmuktat anatirinakaruw jallallt'awiyi

Imagen

24 usurmuktat anatiriw Boliviarux #AbuDhabi2019 anatäwin yäqayawiyapxi / Jamuqa: Cambio

Evo Morales Jilïr Irpirix 24 Bolivia anatiriruw Abu Dhabi 2019 anatäwin atipt’apxatapat jallallt’awiyi. Uka anatäwix usurmuktat jikxatasipki jupanakatakïnwa, Emiratos Árabes ukanw utjawiyi.

“Kunapachati ch’amasamp yäpar munasiñamp kuns lurtan ukjax janiw kunas ch’amäkiti. Taqi atipt’irinakar jallallt’añäni, jupanakax 24 medallwa #AbuDhabi2019 anatäwitx apanipxi. Bolivia markasar yäqayirïpxiwa” sasaw Twitteranx qillqt’awiyi.

Walürux uka anatäwix tukuyawiyi. Bolivia anatirinakax t’ijkasaw atipt’awiyapxi ukhamarakiw yäpar thuqhusasa.

Kimsaqallquniw nayrïr chiqanakankapxi, mayninakast 10 nayrankir anatirinak taypin jikxatasipxaraki.

7.000 anatiriw uka anatäwinx jikthaptawiyapxi, 177 markat purt’awiyapxi, 24 kast anatäwiw utjawiyi./RAR


Warning: mysql_num_rows() expects parameter 1 to be resource, boolean given in /var/www/html/aymara/otro.php on line 156