Boliviax 1-0 Corea del Suramp atipayasiwiyi

Imagen

Anatäw tukuykasaw (85') Lee anatiriw p'iqimp piqutx apantawiyi /Jamuqa: Prensa FBF

Bolivia anatirinakax Corea del Sur anatirinakampiw Ulsan jach’a markan anatawiyapxi, 1-0 ukham atipayasiwiyi. Niya tukuykamax ch’am chikt’asipkäna, ukhamarus qhipa phisqha k’atanw sintpin aynacht’awiyi, ukat atipayasiñarux purt’awiyaraki.

Corea del Surankirinakax walja kutiw piqutx niy apantawiyapxi, ukhamarus Rubén Cordano Blooming anatiriw khust’at jark’antawiyi, Luis Haquinamp Adrián Jusinompix khuspin kutjayawiyapxaraki, maynix Méxiconw anati, Puebla anatir tamana, maynist Bolivaranrak anataraki.

Corea del Sur anatirinakax ukjat ukjat jan walt’ayasipkakïnwa, ukatw 85’ k’ata anatkasax Chul Hong anatirix piqutamp jak’acht’asiwiyi, jupax takt’asaw Chungwon Lee jupar piqut puriyawiyi, jupast p’iqimpiw apantawiyaraki. Uka mayampikiw anatäwix tukuyawiyi.

Anatirinakasax janiw jichhüruk anatapkaniti, atürux Japónampiw katjasirakini./RAR


Warning: mysql_num_rows() expects parameter 1 to be resource, boolean given in /var/www/html/aymara/otro.php on line 156