Piqut anatir Bolivia warminakax Pirwankirinakaruw 3-0 atipt'awiyapxi, Jilïr Irpirix jupanakar ch'amacht'awiyiwa

Imagen

Jamuqa: FBF

Piqut anatir Bolivia warminakax Pirwankirinakaruw 3-0 Lima jach’a markan atipjawiyapxi. Ukham atipapxatap yatisax Evo Morales Jilïr Irpirix kusisitaw jupanakar jallallt’awiyi.

“Wali kusisitaw aka yatiyäw ist’tha, piqut anatir warminakax 3-0 Pirwankirinakar Liman atipjawiyapxi” sasaw Jilïr Irpirix Twitteran arsuwiyi.

Maité Zamoranow 36 k’ata saraqkipan nayrïr anatt’awin piqutx nayraqat apantawiyi ukhamarakiw 26 k’ata payir anatäwit saraqkipansa. Janeth Moró jupax 46 k’atäkipan yaqhx apantawiyaraki.

“Anatäwx ch’amachapxakipinïwa, anatirinakasarux yanapt’atakipinïniwa, jupanakax Boliviankirinakar juk’amp kusisiyaskakistaniwa ¡Jallalla!” sasaw Jilïr Irpirix sawiyi.

Tata Napoleón Cardozow anatirinakasawux anatañ yaticht’aski, 2022 maran Awiya Yala Anatäwix utjkan ukatakiw wakicht’asisipki, ukan atipirinakax 2023 yaqha Awiya Yala markanakamp anatt’añax utjkan ukarurakiw sarapxani./RAR


Warning: mysql_num_rows() expects parameter 1 to be resource, boolean given in /var/www/html/aymara/otro.php on line 156