Barcelonax Real Madridaruw atipjawiyi, Copa del Rey atipt'añatakiw jichhax anatt'ani

Imagen

Barcelonax 3-0 Real Madridar atipjawiyi / Jamuqa: El Comercio

Cataluña markan anatirinakapax atipt’awiyapxiwa, Luis Suárez, Uruguay anatiriw pä kutx gol uk apantawiyi, Raphael Varane, uka Franciat purit anatiriw jupan tamap pachpar apantawiyaraki.

Barcelonankirinakax Copa del Rey anatäw atipt’añatakiw wasürux Real Madrid ukankirinakar jaqsuwiyapxi, 3-0 ukhamw Barcelona anatirinakax atipjawiyapxi.

Luis Suárez, Uruguay anatiriw pä kut apantawiyi (50, 73 k’atanakäkipana), Raphael Varane, Francia anatiriw 69 k’atäkipan tamap pachpar aynacht’ayawiyaraki. Ukhamatw Barcelonax atipt’awiyi.

Nayrïr kutiw 1-1 ch’am chikt’awiyapxi. Ukhamïpanx, Barcelonax mays apantañapapinïnwa, Real Madridax nayrïr anatäwinx may apantawiyän ukata.

Barcelonax “walja anatäw akan (Real Madrid anatañ chiqana) atipt’awiyi, waljatw atipt’awiyapxtha” sasaw atipatatx Gerard Piqué anatirix arsuwiyi.

Jichhürux Betisamp Valenciampiw anatt’apxarakini, atipiriw Copa del Rey atipañatak Barcelonamp katjasirakini. Nayrïr anatäwinx 2-2 ch’am chikt’awiyapxi, jichhakamax ukampix Valenciaw mayni tamar jaqsuspa, ukhamarus mayamp anatañaw utjaski./RAR


Warning: mysql_num_rows() expects parameter 1 to be resource, boolean given in /var/www/html/aymara/otro.php on line 156