Jilïr Irpirix Yant'asiñ Uru ch'amachañ mayiwiyi

Imagen

Yatiqirinakax Uraqpachan Yant?'siñ Uru utjkipanx yant'asisipkarakiwa (Jamuqa: Prensa Libre)

Evo Morales Jilïr Irpirix markachirinakaruw thakhinakar yant’asir mistupxañapatak mayiwiyi. Jichhürux Uraqpachan Yant’asiñ Urux amtatäskaraki, ukatw jupax ukham iwxt’awiyi.

“Yant’asiñ Urükipanx, Bolivia markachirinakaruw thakhinakampir palasanakampir anatañ chiqanakampir yant’asir mistupxañapatak jawillt’apxtha. Marka irpirinakjamax, anatañx k’umar jakañampitak sum jakasiñampitak ch’amachasipkakïwa” sasaw Jilïr Irpirix Twitteran qillqt’awiyi.

Akham uru utjañapatakix Canadá markanw 1983 maran amtawiyapxatayna, 1998 maratpachw Bolivian utjxaraki. Aka marax “Uñxtasim, uraqpachanx jumamp chikaw uñxtasipxani” arumpiw sarantatäski. Uraqpachan walja jaqix k’umar jakañatak yant’asipxañapatakiw aka uruxa./RAR


Warning: mysql_num_rows() expects parameter 1 to be resource, boolean given in /var/www/html/aymara/otro.php on line 156