Jilïr Irpirix Pirwan silt'unak katuqasir jalirinakaruw paylläw luqtawiyi

Imagen

Bolivia jalirinaka (Jamuqa: UCP)

Evo Morales Jilïr Irpirix Vidal Basco (Uru Urunkiri), Ángela Castro (Chukiyawunkiri) jalirinakaruw paylläw jichhürux luqtawiyi, jupanakax Pirwanw yaqha Awiya Yala jalirinakar atipt’as bronce silt’ump qullqi silt’ump katuqasiwiyapxi, Lima jach’a markana.

“Jhonny Pérez uñt’at masijan jalatapats juk’amp laqak jalapxatapat aka jalirinakar jallallt’tha” sasaw Jilïr Irpirix arsuwiyi.

Vidal Basco t’iskurix Jilïr Irpiriruw yanapt’atapat jallallt’awiyaraki. Bronce silt’u katuqirinakarux 10.000 dólaraw churata, qullqi silt’unak katuqirinakarux 20.000 dólara, quri silt’u katuqirinakarust 30.000 dólararaki.

“Jupäpanw nayax t’ijuñ uñt’tha, yatiqirinakan anatäwipanw kayuk jaltha ukata. Akham payllatapat jallallt’añ muntha. Bolivian sutipx yäqayasipkakïwa, ukhamäniwa” sasaw arsuwiyi.

Ángela Castrox nayrax janiw Bolivia anatirinakarux yäqapxirikänti, jichhax marka irpirinakaw Boliviar yäqayañatakix yanapt’asiñ yatipxi sawiyiwa./RAR


Warning: mysql_num_rows() expects parameter 1 to be resource, boolean given in /var/www/html/aymara/otro.php on line 156