58.000 irnaqiriw irnaqañ amtampix katuqatäni sasaw amtawiyapxi

Imagen

Bolivianx qullqichäwimp irnaqañampix jilxattaskiwa / Jamuqa: Nelson Murillo

2017 maratpachw, marka irpirinakax Irnaqirinak Katuqañ Amtamp sarantasipki. Aka marax 58.000 markachiriruw irnaqäwin katuqañ munatäski. Ukham luratän ukax 4% ukjaw jan irnaqäwininakax markasan juk’aqtayatäni sasaw mama Mariana Pradox arsuwiyi, jupax Marka Irnaqäwinak Amtir Kamanarakiwa.

“Aka amtamp irnaqañ qalltasiwayki ukjatpachax 85.000 irnaqiriw markaspachan katuqata. Ukax jan irnaqäwininak khuspin juk’aqtayawiyi. Jakhthapir Marka Utankirinakax (INE) 2017 maranx 4,51% jan irnaqäwininakaw utjäna sasaw sawiyapxäna, mimarax 41,27% ukjaruw juk’aqtayawiyata” sasaw mama Pradox yatiyirinakamp aruskipkasax sawiyi.

Aka marax 58.000 irnaqiriw katuqañ munata, ukham luratän ukax jan irnaqäwininakax 4% ukjakïxaniwa, Boliviax taqit juk’a jan irnaqäwin markachirinakanïniw aksatuq uraqinxa sasaw sasipki.

346 waranq waranq dolarampiw irnaqäwinak uñstayañ amtax sarantayatäski. Ukampix phisqha jisk’a amtaw sarantayatäni: irnaqirinak katuqaña, jathanakamp yanapaña, jach’a markanakan utachaña, qullqichañ chiqanakan jark’aqaña ukhamarak uñstayaña, irpirinakamp irnaqapxañapatak irnaqirinak katuqaña. Uka amtanak taypitx niya chikataw tukuyatäxi.

“Irnaqañ amtanx walja yaqha amtanakaw utji, uka amtanakampiw Bolivia markachirinakar irnaqañatak katuqapki jupanakar yanapas jan irnaqäwininakax juk’aqtayata” sasaw mama Pradox arsuwiyi.

2018 maranx, 545 irnaqañ amta sartayañatakiw qullqix churawiyata, 1023 amtaw iyawsawiyata, 12.000 markachiriruw irnaqañatak yaticht’awiyataraki sasaw irpirinakax yatiyawiyapxaraki./RAR


Warning: mysql_num_rows() expects parameter 1 to be resource, boolean given in /var/www/html/aymara/otro.php on line 156