Jichhürut uksaruw jilïr jaqinakax Dignidad Paylläw irxatat katuqasxapxani

Imagen

Markachirinakax Dignidad Paylläw katuqasisipki (Jamuqa: Llikat apsuta)

Jilïr jaqinakax jichhürut uksaruw Dignidad Paylläwx 50 waranq irxatat payllasxapxani, 350 waranq katuqasxapxani sasaw Evo Morales Jilïr Irpirix Twitteran arsuwiyi.

“Jichhüruw achachila awichakanasax Dignidad Paylläwx 350 waranqkam irxatat payllasxapxani, qullqichäwisax sumt’askiwa, ukatw ukham payllaskaraktan. Boliviax jiltaskakiniwa, katuqkañän uka qullqix Bolivia markachirinakan jakäwip juk’amp sumaptayañatakirakïniwa, juk’ampis pisin jakasirinakar yanapt’añataki” sasaw @evoespueblo ukanx qillqt’awiyi.

Mara t’aqa phaxsit 27 uru saraqkipanw Jilïr Irpirix Dignidad Paylläw 50 waranq irxatañatak mä kamach rixt’awiyi, irnaqäw tukuyatat paylläw katuqapki jupanakax 300 waranqrak katuqasipxani, jan ukham katuqasirinakax 350 waranqraki./RAR


Warning: mysql_num_rows() expects parameter 1 to be resource, boolean given in /var/www/html/aymara/otro.php on line 156