EMAPAnx yapt'asaw aljapxani, "La Yapita" amtampiw irnaqapxani

Imagen

Eugenio Rojas, Manq'añanak Utjañapatak Yanapt'ir Utan (EMAPA) irpiripa (Jamuqa: BTV)

“La Yapita de EMAPA” uka amtampiw jichhax irnaqatäni, mä quintal arus alasirinakarux mä kilompiw yapt’atäni sasaw jichhürux tata Eugenio Rojasax yatiyawiyi, jupax Manq’añanak Utjañapatak Yanapt’ir Utan (EMAPA) irpiriparakiwa.

Aka marax walja arusaw Bolivian puquwiyi, ukat marka irpirinakax alasirinak utjañapatak ukham lurañ amtawiyapxtha sasaw tata Rojasax arsuwiyi.

“Khithinakati mä quintal arus alasipkan jupanakarux ‘la yapita’ ukaw churatäni, mä kilo suma arusaw yapt’atäni” sasaw Arriba Bolivia wakichäwinx arsuwiyi.

Willka kuti phaxsimpin lakan phaxsimpinw ukham aljatäni, yapt’añ arus tukusiñapkama; EMAPAnx 35.000 arus wayaqaw yapt’añatak utji sawiyiwa

2017 maranw Evo Morales Jilïr Irpirix Bolivian manq’añanak apnaqirinakar yanapt’añatak EMAPA uñstayawiyi./RAR

 


Warning: mysql_num_rows() expects parameter 1 to be resource, boolean given in /var/www/html/aymara/otro.php on line 156