Pachaxch apnaqirinakax jan thakhinak Pisigan jark'antañ amtawiyapxi

Imagen

Pisigan jikxataski uka k'añaskunaka (Jamuqa: Llikat apsuta)

Pachaxchuninakax Pisigan thakh jark’antasipkäna, jupanakax Chili irpirinakamp Bolivia irpirinakampiw aruskipt’as mä amtar puriwiyapxi, Colchane jak’an jikxataski uka k’añaskunakan jank’ak mäkhipapxañapatakiw amtawiyapxi, ukhamw tata Álvaro Ayllónax jichhür yatiyawiyi, jupax Chukiyawu pachaxchuninakan irpiriparakiwa.

“Wasüruw Iquique irpirinakampix tantachasiwiyapxtha, Chilinkirinakampi, SAG (yapuchäwimp uywachäwimp Uñjañ Uta) irnaqirinakan juk’amp sum irnaqapxañapatakiw amtawiyata ukhamarakiw Chili aduanansa. Ukhamarakiw Bolivian Anqa Markanakamp Aruskipañ Utapatx wasür purinipxi. Chili irpirinakampiw pachaxchunakan jank’ak mäkhipapxañapatak aruskipt’awiyapxi. Ukhamïpanx pachaxchunakan sarnaqapxañapatakiw wasürux amtasiwiyi” sasaw ABI ukankirinakar sawiyi.

Pachaxchunakan jank’ak mäkhipapxañapatakiw amtawiyata; sapa suxta tunk k’atanx 12 jan ukax 15 k’añaskuw mäkhipani; ch’usa pachaxchunakamp phuqha k’añaskunakamp mayj uñjañatakiw amtawiyata, pä siqiw utjani sasaw tata Ayllónax arsuwiyi. Chili aduanankirinakax juk’amp irnaqirinakaw utjani, Chilin wakiski uka laphinakax jank’akiw katuqatäni sasaw sawiyapxaraki./RAR


Warning: mysql_num_rows() expects parameter 1 to be resource, boolean given in /var/www/html/aymara/otro.php on line 156