Chukiyawu ch'umi uraq manqhan phäñanak thaqhañatakix walja waranq waranq qullqiw churatäni sasaw Jilïr Irpirix sawiyi

Imagen

Evo Evo Morales Jilïr Irpirix Teoponten arsuski, (Jamuqa: BTV)

Evo Morales Jilïr Irpirix mä anatañ utw Mayaya markan luqtawiyi, Teoponte municipiona, Chukiyawu uraqina. Ukan arskasax 45 waranq waranq dolaraw Chukiyawu ch’umi uraqin phäñanak thaqhañatak churatäni sasaw sawiyi.

1.500 jaqiw tata Moralesax luqtawayki uka yatiqañ utanx uñtasiñatak qunurapxaspa, 3.099.572 waranqampiw utachayapxatayna, “Boliviax Mayjt’askiwa, Evox Phuqhiwa” wakichäwimpiw uka qullqx churapxatayna, ukampirus yaqha irnaqañanak sartayañatakix qullqix utjarakikiniwa sasins arsuwiyarakiwa.

“Aka marax, Teoponte uraq manqhampin Alto Beni uraq manqhampin phäñanak thaqhañatakix 45 waranq waranq dolaraw churatäni. Phäñanak jikxatsna ukax walipinïspawa” sasaw Jilïr Irpirix sawiyi.

Qullqichir utanakas kutkatayasiwayxtan, yänakas kutkatayasiwayxtan ukaw yaqha qullqi apnaqañ amtax utjxi sasaw sawiyi.

“Jichhax Bolivian qullqichäwipx janiw khithis apnaqxiti. Anqa markanakan jikxatasir irpirinakax mayamp markasax Awiya Yalan yaqhanakar qullqi jiltayañ atipani sasaw sapxi. Marka tamanakan sartasipxatapata, markasan mayacht’asitapatw ukhamax utji” sawiyiwa.

Sintikatunakamp sartasitatx chhijlläwinw yant’asiwaytan, markachirinakar yanapt’añatakix amuyunakw mayjt’ayawaytan sasaw sawiyi.

“Aka markachirinakan mayitap jaysatatx, yaqhanakas utjaskarakiwa, jichhax jan yaqha markanakan apnaqat markätanwa. Yaqha markanakampiw yäqayastan, kankañanïtanwa. Uraqpachanw ukx yäqapxi” sasaw Jilïr Irpirix qhanancht’awiyi.

Uka pachparakiw, wayna tawaqunakatakix pä machaq yatiqañ utampiw utachañ munasi, ukham lurañatakiw irnaqatäni sasin arsuwiyi./RAR


Warning: mysql_num_rows() expects parameter 1 to be resource, boolean given in /var/www/html/aymara/otro.php on line 156