Tata Moralesax tata Idón Moisés Chivin jiwatapatw llakt'at jikxatasi

Imagen

Idón Chivi (Jamuqa: Llikat apsuta)

Evo Morales Jilïr Irpirix tata Idón Moisés Chivi Vargasan jiwatapat Twitteran llakt’at arsuwiyi, jupax Anqa Amuyunak Jaqsuñ Sullka Kamanänwa.

“Jilata Idón Chivin jiwatapatw wali llakt’at jikxatastha, jupax wali suma amuyt’ir ayllu jaqïnwa, jakäw mayjt’ayañ amtas jan payacht’asisaw arxatañ yatïna. Utjäwipankirinakaruw chuymacht’apxtha” sasaw @evoespueblo Twitter janjanx qillqt’awiyi.

Tata Chivix Uru Uru Jach’a Yatiqañ Utanw (UTO) kamachinakat yatxatawiyäna, aymar jaqïnwa, Consejo Nacional de Ayllus y Markas del Qullasuyunw amuyt’ayas nayrax irnaqawiyi, walja pankw Bolivian jisk’achasiñxat qillqt’awiyi.

Taripañ Sullka Kamananx mutuyañ kamach mayjt’ayañ p’iqicht’awiyi, Saräwinak Uñjir Kamanampix irnaqawiyarakïnwa./RAR


Warning: mysql_num_rows() expects parameter 1 to be resource, boolean given in /var/www/html/aymara/otro.php on line 156