EMAPAx markachirinakaruw manq'añanak apayasipxañapatak yanapt'ani

Imagen

EMAPA aljañ uta (Jamuqa: Yatiyir Kamanan uñt'ayata)

Manq’añanak llatunk departamenton apayasiñatakiw yanapt’añ qalltapxtha, aljañ utanakax utjapkitu ukjanakan yanapt’atäni sasaw tata Eugenio Rojasax jichhür arsuwiyi, jupax Empresa de Apoyo a la Producción de Alimentos (EMAPA) irpirirakiwa.

“Kunayman utjäwiruw aka wakichäwimpix yanapt’añ munata. EMAPAn sutipampiw qullqx churapxaspa, yaqha markachirix yaqha chiqan markasanx manq’añanak katuqasir saraspa” sasaw sawiyi.

Ukhamaw manq’añax apayatäspa, janiw yaqha qullqix churañäkiti sawiyiwa. Aptasir sarkan uka markachirix jaqi chimpupak apasiñapa sasaw arsuwiyi.

“Jichhax markaspachan ukham irnaqatäski, akat qhipar anqa markanakan utjañapatakiw irnaqapxäxa” sasaw tata Rojasax arsuwiyi.

EMAPAx 2007 maran uñstayawiyatawa, Evo Morales Jilïr Irpiriw jan manq’at pist’añ utjañapatak ukhamarak yapuchirinakar ch’amachañatak uñstayawiyi, ukhamäñapatakix markasampin anqa markanakampin manq’añanakax alakipata./RAR


Warning: mysql_num_rows() expects parameter 1 to be resource, boolean given in /var/www/html/aymara/otro.php on line 156