Llallawanx lusa qhan utjayañ chiqwa lurañ munapxi

Imagen

Jamuqa: WordPress

Evo Morales Jilïr Irpirimp P’utuxsi qhuyanakan jaymasirinakan irpirinakapampix Marka Jach’a Utanw tantachasiwiyapxi. Jupanakax Llallawa markan utjki uka uma jark’jat uñjir sarañ amtapxi, kunjamäskisa ukw uñjapxani, ukhamarjamaw lusa qhan utjayañ chiqa lurañax utjaspa.

Benjamín Herrera, qhuyan jaymasirinakan irpiripax arsuwiyarakiwa. Janiw jupax kunürux uñjir sarapxan ukx sawaykiti, ukhamarus Pachamama Arxatir Kamanamp Qhuyanak Uñjir Kamanampiw ukankapxani sasaw yatiyawiyi.

“Jilïr Irpir jilatamp Pachamama Arxatir Kamanamp Qhuyanak Uñjir Kamanampiw uñjir sarapxä, utjki uka uma jark’jatax kunjamäskisa ukw uñjapxä, inas ukatx lusa qhana utjayir chiqx lurañ amtapxchï” sasaw yatiyirinakar sawiyi.

Llallawanx lusa qhana utjayir chiqax lurañjamawa sasaw tata Herrerax sawiyi.

Q’añu umanak q’umachsur uta lurañatakix aruskipapxarakïwa, qhuyanakatw q’añux mistu, ukaw Pacha jan q’añuchañatakix q’umachsuñ wakisi sawiyiwa.

“Amuykipt’añatakix sarañäniw sapxtwa. Ukhamarjamaw yatiyatäni, ukampix lurasispat janich ukax yatisini, ukhamarus lurasiniwa, ukx yatipxtwa, Pacha jan q’añuchañatakis askichañax utjarakiniwa” sawiyiwa./RAR


Warning: mysql_num_rows() expects parameter 1 to be resource, boolean given in /var/www/html/aymara/otro.php on line 156