Morales Jilïr Irpirix Rurrenabaquet San Buenaventurar purinki uka 374 metron chakwa luqtani

Imagen

Beni jawiran lurat chaka (Jamuqa: Llikat apsuta)

San Buenaventurat (Chukiyawu) Rurrenabaquer (Beni) purki uka chakaw qharürux luqtatäni, Evo Morales Jilïr Irpiriw luqtani sasaw tata Oscar Cocax jichhür yatiyawiyi, jupax Marka Irnaqäwinak Uñjir Kamanarakiwa.

“Aka chakampix pachaxchunakan sarnaqapxatapamp uñatatt’asirinakan sarnaqapxatapampiw askicht’atäni. Aka thakhimpix ch’umi pampa uraqimp qullu uraqinakamps mayachthapksna ukhamawa. Aka chakampix ch’umi uraqinkirinakamp suni uraqinkirinakamps jikisiyksna ukhamawa” sasaw sawiyi.

Chakax 374 metroniwa. Beni jawiran luratawa, markachirinakar yanapt’añatakiwa. Maysat maysarux 15 metroniwa, pä thakhiniwa, mayax sarañataki, yaqhast jutañataki, taypinx panqaranakaw utjani. Beni departamentot Chukiyawuruw ukämx purinipxani. Yamakis paypachtuqin jakasir yapuchirinakaw uka chakampix yanapt’asipxani./RAR


Warning: mysql_num_rows() expects parameter 1 to be resource, boolean given in /var/www/html/aymara/otro.php on line 156