EASBAn qullqipax jilxattaskiwa sasaw marka irpirinakax sawiyapxi

Imagen

San Buenaventura asukara (Jamuqa: OFEP)

Empresa Azucarera San Buenaventura (EASBA) ukax janiw aynacht’kiti, mayt’asit qullqx wakiski ukjaw phuqhaski, qullqipax jilxattaskiwa sasaw tata Jaime Duránax arsuwiyi, jupax Qullqi Apnaqañ Amta Wakt’ayir Sullka Kamanarakiwa. Página Siete ukankirinakaw aynacht’askiwa sasin yatiyawiyapxi, ukat tata Duránax ukham qhanancht’awiyaraki.

“Qhanancht’añ munapxtha, San Buenaventura asucaramp qullqichir utax manunakapar munaski ukjaw phuqhaski, Banco Central de Bolivia (BCB) ukar kuna. Ukhamïpanx, EASBAx janiw Página Siete siski ukham aynacht’atäkiti” sasaw arsuwiyi.

EASBAx janiw manupak phuqhkiti, qullqipax 1.081 waranq waranq bolivianot 1.638 waranq waranq bolivianoruw jilxattawiyi, caña aliyatax 108 hectáreat 3.578 hectárearuw jilxattawiyi sasaw tata Duránax arsuwiyi.

EASBAx 2018 maranak qullqichir utjam apnaqañ qalltatäski, nayrax aliq amtampikiw apnaqatäna, ukw jan Página Sietenkirinakax amuyapkiti sasaw jupa tata Sullka Kamanax arst’awiyi./RAR


Warning: mysql_num_rows() expects parameter 1 to be resource, boolean given in /var/www/html/aymara/otro.php on line 156