Uraqpachankir Qullqi Utankirinakax Bolivian qullqichäwip jiltatapw jach'acht'awiyapxi

Imagen

Anqa markan qullqichäw uñakipirinakax Bolivian qullqichäwip jach'acht'apxi

Bolivianx, juk’amp juk’a qullqininakax 40% ukjwa qullqx jilxattayasiwiyapxi, ukatw markasax “uraqpachan atipt’irjam” tuku, Awiya Yalanx markasanw juk’amp mara jakañax qhipa maranakan utjaskaraki, 13 maraw jilxatti.

Ukhamw tata Luis Arce Catacorax arsuwiyi, jupax Qullqichäw Apnaqir Kamanarakiwa. Bolivisiónan arskasaw jupax ukham yatiyawiyi. Boliviax yaqha markanakat sipans uka pätuqunw juk’amp uñt’ayasiwiyi sasaw sawiyi.

“Chhijlläw maranktanwa, markachirinakarust qullqichäwiw jan wali sasaw yatiyapxani, ukhamarus markachirinakatak irnaqatax amuykayawa, anqa markanakans jach’achatawa” sasaw aruskipañ llikanakan k’arinak arsuwiyapki ukxat arskasax sawiyi.

Qullqichäwix jiltawiyiwa, chaninakax janiw anchj irxattawaykiti, qullqisamp dólar alañax janiw mayjt’awaykiti, ukaw aski luräwinak taypinx qhanancht’añaraki. “Boliviax walikïskiwa, walikïskaniwa, Markachirin Ayllun Amtapan Qullqichañ Amtasax khust’atawa, Bolivia utjäwinakax ukampiw jichhax juk’amp khus jakasisipki” sasaw tata Arcex arsuwiyi.

Uka pachparakiw, aka maratakix 4,5% ukjaw qullqichäwisax jiltani, yänakax 4% ukjarakiw jilxatani, ukhamaw amtata sasaw jupax arsuwiyi./RAR


Warning: mysql_num_rows() expects parameter 1 to be resource, boolean given in /var/www/html/aymara/otro.php on line 156