Inka Wasinx juk'amp phäñaw apsuñatak utjxi

Imagen

Evo Morales Jilïr Irpirix Inka Wasinw arsuski, Santa Cruzana (Jamuqa: UCP)

Evo Morales Jilïr Irpirix Inka Wasiruw jichhürux phäña jilxattatap uñjir puriwiyi, sapürux 8 waranq waranq metro cúbicot 11 waranq waranq metro cubicoru (MMmcd).

Sapürux 10.083 barrilaw utjani. Ukhamx phayasiñ saman apnaqañ utan irnaqañatak kimsa amtax utji ukatrak ukhamäni.

Marka irpirinakax 78,7 waranq waranq dolarwa Inka wasin phäña apnaqañ utan irnaqañatak churapxi, ukat ukham phäñax jilxattaraki. Phäñanak Apnaqir Kamanakamp Yacimientos Petrolíferos Fiscales Bolivianos (YPFB) ukampiw irnaqayasipkaraki.

“Phäñanak apnaqañ kamachiw mayjt’ayawiyata ukhamarakiw phäñanakasas kutkatayasiwiyata, ukatw markasanx qullqichäwix mayjt’awiyi, ukatrak akham irnaqañax utji (…) Jichhax jan yaqhanakamp apnaqayasir irpirinakanïxtanwa ukhamarakiw markasax yäqayasi” sasaw Jilïr Irpirix arsuwiyi.

Aka maraw petroquímicamp irnaqañ uta utachañatakix irnaqayirinakax katuqasini, 2.000 waranq waranq dolarampiw utachayatäni sawiyiwa./RAR


Warning: mysql_num_rows() expects parameter 1 to be resource, boolean given in /var/www/html/aymara/otro.php on line 156