45 waranq waranq bolivianw 2019 maranx qarwa kast uywanak uywañatakix churapxani

Imagen

Jamuqa: El Diario

Aka marax, 45 waranq waranq bolivianw qarwa kast uywanak uywañatakix churatäni, 6.000 utjäwinw Chukiyawumpin Uru Urumpin P’utuxsimpin katuqapxani, PROCAMELIDOS wakichäwimpiw ukham churatäski sasaw tata Damian Doradox arsuwiyi, jupax Ayllunakamp Yapuchäwimp Uywachäwimp Jiltayir Sullka Kamanarakiwa.

“Juk’amp sum marka apnaqañatakix, irpirinakax wakichäwinak uñakipapxañaxa. Marka irpirinakjamax, akham yanapt’asisax, aka wakichäw sartayasax Bolivia utjäwinakaruw juk’amp suma jakañ puriyapxäxa, khithinakati qarwa kast uywanak uywachapki jupanakan utjäwinakapana” sasaw tata Doradox sawiyi.

Tata Leonardo Floresaw wakichäw irptirixa. Jupax marka irpirinakan irnaqapxatap jach’acht’awiyi, Evo Morales Jilïr Irpiriw ukx p’iqicht’awiyi sawiyiwa. Nayrïr maranakat sipans pä kutiw qullqix jilxattayawiyata, ukampix juk’amp khusaw uywachatäni ukhamarakiw aychamp t’arwamp lip’ichimpis yäpar apnaqatarakïni.

“Nayraqatax uywachañatakiwa, ukampiw umamp manq’amp uywachañ utanakampix juk’amp utjani, suma uywanakas utjarakiniwa” sasaw jupax arskasax qhanancht’awiyaraki./RAR


Warning: mysql_num_rows() expects parameter 1 to be resource, boolean given in /var/www/html/aymara/otro.php on line 156