Markachirinakarux paylläwinakax churatakïskaniwa sasaw irpirinakax sawiyapxi

Imagen

José Luis Parada, Qullqi Apnaqir kamana (Jamuqa: Llika)

José Luis Parada, Qullqi Apnaqir Kamanax Dignidad Paylläwimp yaqha paylläwinakampix churatakïskaniwa, payllañatakix 1,5% qullqikiw marka qullqitx apaqata sasaw wasürux arsuwiyi.

“1,5% marka qullqikiwa, ukax utjaskaspawa, walja jaqiruw ukampix yanapata” sasaw qhanancht’awiyi.

Uka pachparakiw, taqi paylläwinakaw churatakïskani sasaw sawiyi.

“Janiw ukax chhaqhtayaskaniti, payllasiskakiniwa. Janiw paylläwinakax jan walt’aykistuti, nayrïr irpirinakax yatiyañatakiw juk’ampis qullqx apnaqäna, janiw uka paylläwinakatakixa” sasaw qhanancht’awiyi./RAR


Warning: mysql_num_rows() expects parameter 1 to be resource, boolean given in /var/www/html/aymara/otro.php on line 156