Evo Jilïr Irpiriw Bolivian qullqichäwipx sintpin jiltayawiyi sasaw Grecia irpirix arsuwiyi

Imagen

Jamuqa: Bolivia Anqa Markanakamp Aruskipañ Kamana

Alexis Tsipras, Grecia Jilïr Irpirix, qhipa 13 maranx Evo Morales Jilïr Irpirix Bolivian qullqichäwip sintpin Awiya Yalan jiltayawiyi; FMI ukankirinakamp CEPAL ukankirinakamp Uraqpach Qullqi Utankirinakamp yaqha markankirinakampis ukx jach’acht’awiyapxarakiwa sasaw sawiyi.

“Qhipa 13 maranx, Bolivian pisin jakasirinakat arxatasirinakax qulllqichäw sintpin jiltayapxi. Ukax khust’ayapxiw sañ muni (…) Uka markan qullqichäwipax kimsa kutiw jach’aptawiyi” sasaw mä tantachäwin arskasax sawiyi, Evo Morales Jilïr Irpirix uka tantachäwin arsuwiyarakiwa.

Tata Tsiprax Bolivian qullqichäwip jach’acht’awiyi. Yaqha markanakat sipans pay kutw Bolivianx qullqichäwix jilxattawiyi, uraq manqhat apsut phäñanakan chanipax iraqtawiyi ukatats jiltawiyaskakiwa, Iwrupampin Awiya Yalampin qullqichäwix jan walt’awiyi ukats jiltawiyaskakiwa sawiyiwa. Tata Evo Moralesan marka, qullqichäwi, marka apnaqaña mayt’ayatapw jach’acht’awiyi ukhamarakiw chikatat jilamp chhijlläwinakan atipawiyi uksa.

“Tata Evo Moralesax ukjat ukjat chhijlläwinx aka maranakax atipt’awiyi. Yaqha jaqinakan yatiyirinakapax jan walt’ayañ munapxi, qamirinakat arxatasirinakaw jan walt’ayañ munapxi, ukhampachas atipt’awiyaskakiwa” sasaw arsuwiyi.

Bolivia irpirirux waljaniw aka markajanx suyasipkäna, Boliviarux uraqpachanw jan yaqhanakamp apnaqayasitapat uñt’apxi, Greciax ukhamarakiwa sasaw arsuñ tukuyawiyi.

“Graciamp, Iwrupan mayacht’asir markanakan jikxatasiri, Boliviampix, Awiya Yala taypin jikxatasir marka, mayjäpxiwa, ukax amuykayawa, ukhamarus kikipat uñjasiñatak sartasitamp marka apnaqatamp kikipat uñjasitampix pachpakiw kunayman chiqanxa, taqi jaya chiqanakana, taqi uraqpachana. Sartasiñax kunaymanäspawa, ukhamarus pachpa chuymampiw sartasita, pachpa ajayumpi” sawiyiwa./RAR


Warning: mysql_num_rows() expects parameter 1 to be resource, boolean given in /var/www/html/aymara/otro.php on line 156