Boliviax wallpa aychamp millk'imp lawamp isinakamp Cubar aljani

Imagen

Achuqa phaxsit 11 uru saraqkipanw Cuba irpirinakampix yänak aljañatak aruskipañ qalltawiyata

Wallpa aychamp millk’i akump lawamp isinakampw Boliviax Cubar aljañ qalltani. Cuban anqa markanakamp alakipasirinakampiw (GECOMEX) ukham aljañatak mä amtar purt’awiyata. Uka qullqichirinakax kawkhanakanti yänakax aljañatak utjki uka chiqanakaruw purt’awiyapxi, ukhamatw jupanakax qawqha qullqs alasiñatakix munapxi ukx amuyt’asiwiyapxaraki.

“Mä kutx aljxapxtwa, lawanakawa. Warnesatpachw apayata (…) jutir phaxsinakax wallpa aychamp millk’i akumpiw aljatäni. Ukhamaw juk’at juk’at Boliviat anqa markanakarux aljatäni” sasaw tata Diego Paryx arsuwiyi.

Cubat qullqichirinakax purinipki ukax markasamp phuqhacht’asis qullqichañatakiwa, “Fideicomisow Boliviat anqa markanakar aljañatak utji, Insumos Bolivia uksankirinakaw apnaqasipki, uka utankirinakax Qullqichäw Jiltayañ Kamana Utatpach apnaqatawa” sasaw qhanancht’awiyi.

Cuba irpirinakamp qullqichirinakampix juk’amp alakipasiñ munapxi, “lawa juk’ampisa, ureamp yaqha wanunakamp aljañatakis aruskipt’asiwiyarakiwa” sasaw tata Carlos Zamorax arsuwiyi, jupax Cubat markasar khithanit irpirirakiwa./RAR


Warning: mysql_num_rows() expects parameter 1 to be resource, boolean given in /var/www/html/aymara/otro.php on line 156