Evo Morales Jilïr Irpirix ENVIBOL qhispilluptayañ utwa luqtawiyi

Imagen

Evo Morales Jilïr Irpirix ENVIBOLanx kunjams irnaqata ukw uñjaski (Jamuqa: UCP)

Evo Morales Jilïr Irpirix ENVIBOL qhispilluptayañ utwa jichhürux luqtawiyi, markasan qullqipampiw uka utx utachayapxatayna, 396 bolivianompi. Chuqi Chakanx 210 mara sartasitapat amtasipki ukatw ukham luqtawiyaraki.

Aka machaq utax Jaime Zudáñez suyunw jikxatasi, markasan sartasitapampiw akhamanak utachayañatakix qullqix utjistu sasaw Jilïr Irpirix arskas qhanancht’awiyi.

“Aka utax Chuqi Chakatak taqit khust’at luqtäwiwa. Wawanakamp wayna tawaqunakamp yatipxañap muntha, aka utax bolivia markachirinakan qullqipamp luratawa, taqpachaw Bolivia markachirinakanki. Janiw anqa markat apanit qullqïkiti. Anqa markanakan imat qullqisat apaqatawa” sasaw tata Moralesax sawiyi.

ENVIBOLanx 300.000 wutillaw sapürux luratäni. Alasirinakax utjaniwa, jichhax utjki uka chaninakat sipans juk’amp juk’aruw uka qhispillut lurat yänakx aljapxani.

“2,20 bolivianompiw taqit uñt’at wutillax alasita, aka utanx 1,80 bolivianoruw aljapxani” sasaw Jilïr Irpirix arsuwiyi.

Marka irpirinakjamax markasan lurat yänak alasiñ amuyumpiw irnaqatäski sasaw yamakis sawiyi.

“Jiwasan luratanak alasiñax paylläwis jilxattayañawa. Markasan alasitaw qullqichäwis ch’amachani, anqa markanakamp alakipasitax ukar phuqhacht’irikiwa” sasaw jupa tata irpirix arsuwiyi.

150 irnaqiriw jichhakamax utji, 750 markachiriw uka utan utjatapatx qullqichapxaraki./RAR


Warning: mysql_num_rows() expects parameter 1 to be resource, boolean given in /var/www/html/aymara/otro.php on line 156