Marka irpirinakamp yapuchirinakampix arus yapuchañ sumaptayañ munapxi

Imagen

Jukamp arus yapuchañ munapxi / Jamuqa: Ondas Centrales

Evo Morales Jilïr Irpirimp kamananakamp arus yapuchirinakampix Marka Jach’a Utanw jichhürux tantachasiwiyapxi, Chukiyawuna. Jupanakax arus yapuchañ sumaptayañxata, juk’amp walja yapuchañxatw aruskipawiyapxi, ukhamat markasarux yanapt’atäspa sawiyapxiwa.

“(Aka tantachäwix) Bolivia ch’umi uraqin arus yapuchañxat aruskipañatakïnwa. Kunjams yapuchañ sumaptayapxiristha ukxatw aruskipawiyapxtha ukhamarak juk’amp walj yapuchañxatsa” sasaw tata Jacinto Herrerax arsuwiyi, jupax Bolivia Yapuchirinakan Sintikatu Tamapan (CSUTCB) irpiriparakiwa.

Arusan chanip jan mayjt’añapatakis aruskipawiyapxaraktwa, juk’a yapuchirinakar yanapt’añatakiw ukham aruskipt’awiyapxtha sasaw jupa tata irpirix arsuwiyi.

Arus apthapitat iraqayasiñxats aruskipawiyapxaraktwa ukhamarakiw arus aljirinakan luratap uñaqañxatsa, ukax yaqha chiqanakan aljañatakiw lurañ munasi, “2019 maran apthapiskani uka khusachañatakiw ukham tantachasiwiyata” sasaw tata Herrerax arsuwiyi./RAR


Warning: mysql_num_rows() expects parameter 1 to be resource, boolean given in /var/www/html/aymara/otro.php on line 156