Pirwa Kamananakampin Perú Kamananakampin 5ïr Tantachäwipanx kimsa amtwa phäñanakamp qullqichañatak utt'ayawiyapxi

Imagen

Markasan GLP apnaqata (Jamuqa: YPFB)

Bolivia Kamananakampin Perú Kamananakampin 5ïr Tantachäwipanx kimsa amtaw phäñanakamp qullqichañatakix utt’ayata sasaw jichhürux tata Carlos Quispex arsuwiyi, jupax uraq manqhat apsut phäñanak apnaqasarakiw sullka kamanjam irnaqi.

Chukiyawut Ilo jach’a markaruw phäñ puriyañatakix gasoducto lurañ munapxi, ukax Camiseat jutkan ukampiw jikthaptayatäni, Camiseax Qusqu uraqinkiwa.

“Paypach jikthaptayañaw amtaxa, ukampiw Boliviankirinakax Ilokam (phäñx) puriyañäni. Pacífico lamar qutäm aljañatakiw gasoductox utjistani” sasaw tata Quispex arsuwiyi.

Yacimientos Petrolíferos Fiscales Bolivianox (YPFB) Gas Licuado de Petróleo (GLP) uk aljañapatakiw payïr amtaxa.

“YPFBx mä Perú qullqichir utampiw mayacht’asini. Desaguaderon mä garrafar phäñ phuqhantañ utax utjani ukhamarakiw Perú markamp qurpasiñ utjki uka markanakansa” sasaw jupa tata irpirix arsuwiyi.

Perú markanx, mä garrafan chanipax 35 solawa, 75 bolivianökaspas ukhamawa, uka chanix Perú markachirinakar yanapañatak juk’aqtayasiniwa, Boliviax yaqha chiqan aljañ qalltarakini.

“YPFBx Perú markan irnaqani, yaqha markanakan (qullqichir utasankirinakax) irnaqapxani, ukaw kimsïr amtaxa. Bolivianx Desaguadero markanx phayasiñ samanax utjxiwa. Perú markan Desaguadero markapar phayasiñ saman puriyañatakix chakakiw mäkhipaña” sasaw tata Quispex sawiyi.

Uka kimsa amta sarantayasax juk’amp qullq katuqañäni, juk’amp irnaqañaw utjani ukhamarakiw markachirinakar payllañatakis utjani, Bolivian qullqichäwipaw juk’amp jiltayatäni sawiyiwa./RAR


Warning: mysql_num_rows() expects parameter 1 to be resource, boolean given in /var/www/html/aymara/otro.php on line 156