Anqa markanakar singani aljañax Bolivian jilxattawiyiwa

Imagen

Singani uñt'aykasa (Jamuqa: Cintis)

Qhipa maranakanx anqa markanakarux juk’amp singaniw aljawiyata sasaw tata Benjamín Blancox yatiyawiyi, jupax Anqa Markanakamp Alakipayir Sullka Kamanarakiwa.

“Anqa Markanakar Singani aljañax jilxattawiyiwa, Bolivianx wali uñt’atawa. Maymarax Estados Unidoruw juk’amp aljata, uka markar aljañax khust’askiwa” sasaw arsuwiyi.

2018 maranx, yamakis Alemaniampir Reino Unidompiruw aljawiyata sawiyiwa.

Anqa markanakar aljañatakix q’umaw apnaqasiña, suma wakicht’ayatäñapawa, ukhaw mayipxi, Bolivia singanix ukham luratawa sasaw sawiyi.

“Evo Morales Jilïr Irpirix yaqha markanakat khithat irpirinakasarux alakipasiñ uraqpachan ch’amachapxañap mayiwiyi, anqa markanakar khithatanakaw yänakasx uñt’ayapxañapa, ukham singanimpiw lurapxañapa” sasaw arsuwiyi./RAR


Warning: mysql_num_rows() expects parameter 1 to be resource, boolean given in /var/www/html/aymara/otro.php on line 156