Jilïr Irpirix yatichirinakaruw urupäkipan aruntt'awiyi

Imagen

Mä yatichirix atamirimpiw yaticht'aski (Jamuqa: Nuevas Palabras)

Evo Morales Jilïr Irpirix taqi Bolivia yatichirinakaruw aruntt’awiyi, jichhürux Yatichirin Urupaw amtasi ukata. Yatiqirinakan sum jakasipxañapatakix yatichirinakar yanapt’asaw marka irpirinakax sapür irnaqapxi.

“Bolivia markasankir yatichir kullakanaka yatichir  jilanaka,  wali munasiñampiw aruntt’apxsma. Qhispiyasiñatak ch’ama ch’am yatiñamp yaticht’apkta ukw jach’acht’apxtha. Akat qhipar jakasiñatakiw sapa yatichirix yatiñ yatiqirinakapar uñt’ayi” sasaw Twitteran qillqt’aqiyi.

Bolivianx 168.000 yatichiriw utji, 102.303 warmïpxi 66.329 chachäpxaraki. Marka irpirinakax  yatichirinakar juk’amp yatxatayañatakiw irnaqawiyapxi, jichhax 118.593 yatichiriw licenciaturanïxapxi. 95% ukjarakiwa, jupanakarux Programa de Formación Complementaria (PROFOCOM) ukampiw yaticht’asiwiyi.

Yamakis 32.038 yatichiriw diplomadonakan yatiqawiyapxi, 7.474 yatichirirakiw juk’amp yatiqt’awiyapxi. 2006 marat 2019 marakamax, marka irpirinakax 46.000 machaq yatichirinakw irnaqapxañapatak katuqt’awiyapxi.

2018 maran chinuqa phaxsipäkipanx, “janiw aliq irpantat yatichirinakax utjxiti” sasaw irpirinakax yatiyawiyapxi, ukhamarus 520.000 yatiqt’añ muniriruw kunaymanat yaticht’asiwiyaraki, sapa yatichirirux yamakis mä atamiriw churawiyata./RAR


Warning: mysql_num_rows() expects parameter 1 to be resource, boolean given in /var/www/html/aymara/otro.php on line 156