Tata Moralesax machaq yatiqañ utwa Desaguaderon luqtawiyi

Imagen

Desaguaderon machaq yatiqañ uta luqtkasa (Jamuqa: Llika)

Evo Morales Jilïr Irpirix Batallón Colorados machaq yatiqañ utwa Desaguaderon luqtawiyi, Chukiyawu uraqina. 450 yatiqiriw ukanx yatiqt’apxani, 7 waranq waranq bolivianompiw utachayapxatayna.

“Jichhax janiw juk’amp yäqata, ukxar yäqata jaqinakax utjkiti, jila kullakanaka. Taqiniruw kikipat arxatata, taqiniw khusa yatiqañ utanïñasa, aka Batallón Colorados yatiqañ utjama” sasaw sawiyi.

Bolivianx janiw yaqha markanakamp apnaqayasitäkiti, qullqichäwisas ukla pachparaki, ukhamarus tecnología jan mayt’asis sarnaqañaw janir utjkiti, ukatw yatiqañatak juk’amp qullqix churata sasaw Jilïr Irpirix qhanancht’awiyi.

“tecnologíaw mayt’asitakïski. Chacha warmi yatxatatanakaw munasi. Jichhak yuririnakäpxaniwa, ukatakix ayllunakampin jach’a markanakampin yänak alañasa” sawiyiwa.

15 yatichañ utamp física yant’añ utamp biología yant’añ utamp amparamp yänak lurañ utamp atamir utamp irptañ utamp katuqañ utamp tantachasiñ utamp uta uñjañ utamp chhuxurañ utanakampiw yatiqirinakampitak yatichirinakampitak utji. Yamakis prosceniomp anatañ chiqampis utjarakiwa./RAR


Warning: mysql_num_rows() expects parameter 1 to be resource, boolean given in /var/www/html/aymara/otro.php on line 156