Taqit suma anatt'ir yatxatir wawanakar wayna tawaqunakar ch'amacht'añatakiw amtanak wakt'ayasipki

Imagen

Jamuqa: UCP

Machaq amtanakaw utji, jisk’a yatiqañ utanakampin jach’a yatiqañ utanakampin suma anatt’ir yatiqt’ir wawanakampitak wayna tawaqunakampitakiwa sasaw tata Álvaro García Linerax arsuwiyi, jupax markasan Sullka Irpiriparakiwa.

Aka machaq amtanakax anatt’irinakampir yatxatt’irinakampir “yaqha chiqar khithañataki”, “yatiqapxañapataki”, “payllañatakiwa” sasaw qhanancht’awiyi.

“Evo Morales Jilïr Irpirimpiw amtanak wakt’ayasipktha, ukanakax jumanakatakïniwa (anatirinakampitak yatxatt’irinakampitaki)” sasaw jupax Yatiqirinakan 2019 Anatäwipatak jawillt’kasaw ukham arsuwiyi. Marka Jach’a Utanw yatiqirinakamp jikist’awiyi, ukanw ukham sawiyi.

Uka amtanakampix anatt’ir yatxatt’ir wawanakar wayna tawaqunakaruw yanapt’atäni, khithinakati wali sum anatt’apki yatxatt’apki jupanakaru, qhiparux anqa markanakaruw jupanakarux khithatäni.

Uka amtanak juk’amp jasak sarantayañatakix, anatirinakamp yatxatt’atanakampix tamacht’asipxam, ukhamat jank’ak jumanakarux jikxatatäni sasaw Sullka Irpirix sawiyi.

“Yatichirinak puriyaniñ munapxtha, yant’añ utanakampiw yanapañ munapxsma, anqa markanakan atipt’asipkät ukja. Tamacht’asiñataki, yatiñataki, atipt’asiñatak utjki uka luräwinakanw yanapt’añ munapxsma” sasaw arsuwiyi.

Yatiqirinakan Anatäwipampin Yatiqirinakan Yatiñamp Yant’asiñapampinx khust’at yatiqirinakaw utji, jupanakar yanapt’añatakiw irnaqasipktha, uka yant’äwinakanx 1,5 waranq waranq yatiqirinakaw yant’asipxi sasaw tata García Linerax arsuwiyi./RAR


Warning: mysql_num_rows() expects parameter 1 to be resource, boolean given in /var/www/html/aymara/otro.php on line 156